Ushqime bimore për të ulur kolesterolin

Shtimi i sasisë së ushqimeve me prejardhje bimore në dietën tuaj ndihmon në uljen e nivelit të kolesterolit në gjak dhe parandalimin e sëmundjeve kardiovaskulare.

Për të mbajtur nën kontroll kolesterolin një faktor i rëndësishëm është reduktimi i konsumimit të yndyrave të përgjithshme.
Por po aq i rëndësishëm për ruajtjen e nivelit normal të tij është edhe konsumimi i ushqimeve me prejardhje bimore.
Sipas studimeve nga Universiteti i Torontos, konsumimi i ushqimeve me prejardhje bimore si pemë, perime, bishtajoreve dhe drithërave të plota, ndihmon në uljen e kolesterolit të keq (LDL).
Hulumtimi ka treguar se ushqimi me përmbajtje të ulët të yndyrave të ngopura dhe i pasur fibra të tretshme, proteina të sojës dhe sterole bimore, mund të ulë nivelin e kolesterolit.
Duke zgjedhur ushqim me këtë përmbajtje personat e hulumtuar kanë pasur 22 për qind ulje të nivelit të përgjithshëm të kolesterolit dhe 29 për qind ulje të LDL kolesterolit.